المال ام الراحة

احتاج نصيحتكم و رأيكم رجاءاً :-
انا اعمل بالقطاع الخاص منذ اكثر من سبع سنوات و بدون ذكر محاسن او مساوء القطاع الخاص او القطاع الحكومي لدي سؤال "واحد" هو " هل ابقى بالقطاع الخاص ام اذهب إلى القطاع الحكومي" ؟؟

- ملاحظة: بالنسبة للراتب في الخاص و الحكومة نفس الراتب حالياً و لكن مستقبلاً اكيد القطاع الخاص افضل و لكن بالمقابل تعب و مجهود اكبر بكثير

ارجو النصحية :)

هذا حال الدنيا يا عبدالله :)

تركتني وحيد بين اهلي و عيالي !

افكر و اقول شلي جرالي ؟!

اموري طيبه و الحمد لربي الغالي॥

عرفت اني لو دقيت رقمك بيكون جوالي!

عرفت لو اني مريت القهوه بكون بحالي!

الكل يسأل و يقول وين خليلك السامي؟

و انا اقول خلي مع نصه الثاني...

هذا حال الدنيا ما تدوم على حالي

لكن روح ربي يسعدك و يحميك يا الغالي

دام انك بخير و سعاده عساك على هالحال باقي...

مجموعة نقاط :)

- اولاً انا صارلي اكثر من شهر ما كتبت بالبلوق بس بصراحة كنت اتابع الاخوان و الاخوات المتواصلين معاي دائماً ( مو ناسيكم و يهمني التواصل معاكم ) :)

- ثانياً احداث اخوانه الناشطين السياسين او اعضاء مجلس الامة و مواضيعهم اللا منتهيه!

- ثالثاً احداث تونس!

- رابعاً احداث مصر !

- خامساً المنحة الاميرية !

و غيرها من الاحداث البسيطة بس اكتشف شي وايد غريب !!

* يا جماعة الشعب الكويتي صار يتكلم بكل شي ( سياسة، اقتصاد، مجتمع، قانون ... ) !!

ادخل الدوانية او الزوارة او القهوه " الاقي الكل يفهم بكل شي و الكل يناقش و يجادل و يجيب ادلة و براهين" بصراحة من خلال الفترة الماضية و من خلال الاحداث و المشاكل و التطورات الغريبة و السريعة "انا نفسي تغيرت" !!!

صرت كله "ساكت" مستمع فقط حتى لمه اسمع كلام غير صحيح ما اتدخل !! تفكيري بالامور تغير بدرجة كبيرة جداً، لدرجة اني قررت اترك العمل بالقطاع الخاص و اتجه للقطاع الحكومي بس عشان اعيش بسلام و راحة بال !!

مادري بس احس اني ملخبط و حايشني شعووور مو طبيعي " مو هامني شي " كل ما صار شي قلت "طاف" " طاف" "مالي شغل" "الله يعينهم" " كيفهم" !! ابي اعيش يومي و بس !

ابي اسافر كل نهاية اسبوع ( مصر، دبي، البحرين، اي مكان المهم اغير حياتي)

قبل كنت ابي اوفر و ايمع فلوس و غيرها الحين " طاااااااااف "

حتى مديري بالدوام كان ينرفزني و احتر من تصرفاته وايد لدرجة اني كنت ارادده و اعانده ! بس الحين " طاااااف " و الله لو شنو يسوي انا مكبر الـ دي و مروء الـ جي :)

بصراحة احس اني كبرت وايد فجأه يعني الحالة اللي انا فيها المفروض تكون بسن الخمسين او الستين !

سويت شغلة مضحكة جداً جداً و هي " اني خليت شعري يطول شوية عشان ابي اشوف اشكثر فيه شعر ابيض :) " لان صاري خمس سنوات كل اسبوع اروح الحلاق " اقرع على الصفر" :)

عموماً يمكن انا بعد مشاعري ثارت " مثل الثورات اللي مصر و تونس و غيرهم" و قاعدة تقول " نعم للتغيير "

لوووووووووول

و بس خلاص :)

تحياتي

تعليق: احس حتى اسلوبي بالكتابه تغير !!!! في ايه يا جماعه !